#rbu_1062_ពាក្យ_ការពារ_និង_បង្ការ

#rbu_1062_ពាក្យ_ការពារ_និង_បង្ការ_មានន័យផ្សេងគ្នា

ការអានមានប្រយោជន៍៖ កំណាព្យ៣ភាសា ខ្មែរ English Français

ខ្ញុំសូមសរសើរ ជាបឋម  
ចំពោះការខំ រៀបគំនិត
ជាពាក្យកាព្យឃ្លោង អប់រំពិត  
ជាផ្លូវជីវិត ជៀសកំហុស។

តែត្រង់ទីពីរ ឃ្លាពាក្យជួន  
"ប្រាជ្ញអាងច្បាប់ក្បួន ការពារខុស"
ខ្ញុំថាពុំត្រូវ ប្រាប់ទៅចុះ  
"រឿងខុសប្រាជ្ញពុំ ការពារឡើយ"។

មានមែនពុំពិត ដូច្នេះទេ  
ប្រាជ្ញតែងលៃរេ ពុំកន្តើយ
តែង"កែកំហុស" ពុំធ្វេសឡើយ  
ម្ល៉ោះហើយពាក្យត្រូវ គួរបែបនេះ។

"ប្រាជ្ញអាងក្បួនច្បាប់ 'បង្ការ' ខុស"  
បញ្ចៀសកំហុស តែងរេរិះ
"ការពារ" "បង្ការ" ពាក្យពីរនេះ  
បើនឹងត្រិះរិះ ន័យខុសគ្នា។

"ការពារ​" កុំឲ្យ គេបៀតបៀន
"បង្ការ" ប្រិតប្រៀន​ ក្រែង​ពុំជា
"ទប់ស្កាត់​" ជាមុន ​តាមន័យវា
ឯន័យ "គាំពារ" រវាំងគ្រង។​

កំណាព្យ​រក្សាសិទ្ធិ​ copyright rbu_spp ថ្ងៃទី២៥ ​កុម្ភៈ​ ២០១៤​ សៅរ៍ ពធពុង្ស​ Puthpong Sao
.

ម៉េចម៉ាក់ខ្ពស់ម៉្លឹង?

ម៉ាក់ហ្អា ម៉េចម៉ាក់ ខ្ពស់អ៊ីចឹង?
- មកពីប៉ាឯង ខ្ពស់ដែរហ្នឹង!
ចុះម៉េចក៏កូន មិនខ្ពស់ម៉្លឹង?
- តទៅថ្ងៃក្រោយ កូននឹងដឹង
ចុះថ្ងៃក្រោយហ្នឹង អង្កាល់ទៅ?
- សួរម៉ាក់ច្រើនម៉្លេះ សួរប៉ាទៅ?

Arun Bector originally shared this post:

♥♥♥

ជណ្ដើរឡើងទៅសៀវភៅឋានសួគ៌

១. ជណ្ដើរឥតជើង ឡើងឋានសួគ៌     ឆ្លងពុំមានស្នួរ កប់ពពក
     ឰដ៏អាកាស តម្រង់រក                   "ឋានសួគ៌ចូលមក" ក្នុងសៀវភៅ។
២. ទេពធីតាតូច យាងទៅដល់           ទ្វារភពចមពល ដូចតាំងនៅ
     ហៅសួររកអ្នក ឯណាទៅ              ឬគ្មានអ្នកនៅ ចាំរក្សា?
៣. ខ្ញុំចង់ឡើងទៅសួគ៌ាល័យ             ទស្សនាភពនៃ ទីប្រាថ្នា
      គ្រប់គ្នាចង់ឡើង ឋានសួគ៌ា          សច្ចាគ្រប់ជាតិ កើតទេព្តា។
៤. "នាងតូចអានទៅ នៅទីនេះ          បានទាំងចំំណេះ ដឹងសព្វការ
     មានទាំងជំនាញ បើសិក្សា             យកទៅប្រើការ បានប្រយោជន៍"៕
                  ពង្ស សីហនាថ សាលាបឋមសិក្សាវឌ្ឍនវិជ្ជា  រាជធានីភ្នំពេញ